رفض “حراك بعلبك” حكومة حسان دياب واعتبرها “ساقطة ومش مقبولة” ودعا الى وقفة احتجاجية الساعة الثالثة اليوم الاربعاء في 22 كانون الثاني في ساحة مطران في بعلبك. وجاء في البيان:
“كرمال كل نقطة دم نزلت
كرمال كل عين انطفت
كرمال كل بنت انضربت
كرمال كل موظّف انشحط
كرمال كل مودع تبهدل بالبنك
كرمال كل ثائر توقّف وانذلّ
كرمال كل ولد نام جوعان وعيلة تشرّدت بالشوارع ..
كرمال ولادنا كرمال كرامتنا
نزلوا عالشارع وعبروا عن رفضكم لهذه المهذلة
حكومة الوعد الكاذب… حكومة غير مستقلة… لا ثقة.
الحكومة ساقطة ومش مقبولة.
ما خص الأسامي.
طلبنا حكومة تكنوقراط مستقلين عن جميع الافرقاء السياسيين الموجودين والفاسدين الذين حكمونا منذ 30 عاما واوصلونا الى الهاوية
يدعوكم ثوار بعلبك لوقفة احتجاجية ساعة ٣ في ساحة المطران
#بعلبك_تنتفض”
الأربعاء 22 كانون الثاني 2020